Baturai Pantun

BATURAI PANTUN

TULAK KAPASAR MANUKAR TILAM

MANUKAR TILAM KAHALUSAN

OOOII PANUNTUN,,  BOLEHKAH KAMI MAUCAP SALAM

BUHAN PIAN MANYAHUTAKAN,,

ASSALAMU’ALAIKUM WR.WB

(A)MANUKAR DODOL DIKANDANGAN,

KADA AFDHOL MUN KADA BAKANALAN,,

(M)PA IDIANNOOR RAMAH ORANGNYA

PR 3 JABATANNYA

Ngaran ulun liwar haratnya

Mabrur Hja KdaDa hajinya

(A)MUN TULAK KA SAKOLAH

NYAMANNYA PAKAI NINJA

NGARAN ULUN ATTHOILLAH

DIKIYAU ATHOI HAJA,,

(M)BAJALANAN TULAK KA  JAKARTA

MALIHAT MONAS BANYAK AMASNYA

KAMI  DARI FAKULTAS MIPA

DATANG KASINI UMPAT MARAMIAKAN SUASANA,,

(A)ANAK PRAMUKA SANGATLAH GAGAH

LAWAN PANG HARAT MAULAH TENDA

AKU HANDAK BATAKUN HULU NAH

APA TEMA LOMBA NANG ADA

(M)MUN IKAM MANUKAR  MIJA

TUKARLAH DI TANJUNG KOTA

JANGAN TAHU UMPAT HAJA

TEMA KALI INI BUDAYA BANUA KITA,,

(A)AMUN NUKAR DI TANJUNG KOTA

MURAHKAH HARGANYA

AMUN TENTANG BANUA KITA

AAAKU PALING PANAHUNYA,,

(M)KA PULAU KAMBANG NAIK PARAHU

DISANA BANYAK WARIKNYA

JANGAN BAPADAH PALING TAHU

MUN KADA ADA BUKTINYA,,

(A)TULAK KA PASAR MANUKAR  LUKAH

BATAKUN URANG LIWAR LARANGNYA

IKAM HANDAK BUKTIKAH?

TU PANG PASAR TERAPUNG BUKTINYA

(M)KAPASAR IWAK PAKAI KEMEJA

TAPI PANG BANYAK MANUKAR TAHU

YANG IKAM SAMBATAKAN TU SABUTING HAJA

MAKA TADI BEPADAH PALING TAHU,,

(A)MANUKAR DURIAN  DIULAH TAMPUYAK

MAULAH TAMPUYAK DIBANYAKI UYAHNYA

KADA KAWA’AE MANYAMBAT BANYAK

MUN  BARIS PANTUN ADA BATASNYA,,

(A)BINIAN BUNGAS PAKAI KARUDUNG

TAPI PANG SAYANG ADA AMPUNNYA

SALAIN PASAR TERAPUNG

BATURAI PANTUN NIE PANG SALAH SATUNYA,,

(M)PANONTON  KADA MAU BARANAI

DITIMBAI DUIT LAKAS MANYASAHNYA

MUN YANG DUA TU URANG TAHUAANAE

SAMBATAKAN PANG LAGI YANG LAINNYA?,,

               

(A)BINIAN PUTIH LIWAR LANGKARNYA

UJAR PANG URANG NGARANNYA AIN

MUN KUSAMBATAKAN SAMUANYA

KADA JALAN ACARA YANG LAIN,,

(A)JURANGAN IWAK BANGARAN SURYA

BAISI BINI NGARANNYA RARA

AMUN HANDAK TAHU YANG LAINNYA

TAKUNI YANG AMPUN ACARA,,

(M)BAISI BINI NGARANNYA RARA

SAKALINYA ADA BINI KADUA

AMUN AKU NAKUNI AMPUN ACARA

KATAHUAN PADA  KADA TAHU BUDAYA BANUA,,

(A)TULAK KAWARUNG MANUKAR HINTALU

HINTALUNYA TASISA DUA

NIH NGINI GAN KATAHUANKU

PADA BANYAK KADA TAHU BUDAYA BANUA

(M)KUPU-KUPU BUNGAS HALARNYA

BAHINGGAP DIBAHUKU

TARUS PANG APA SOLUSINYA

SAKIRA AKU BANYAK TAHU

(A)TULAK KABANJAR DITILANG POLISI

DITILANG POLISI AKU MANYOGOKNYA

AMUN IKAM HANDAK SOLUSI

UMPATI LOMBA , PANTINK NGARANNYA,,

(M)IWAK PAPUYU DIKURUNG DALAM KOLAM

MUN SUDAH GANAL DITANGKAP PAKAI LUNTA

SALUT  GASAN BEM  KM UNLAM

MELESTARIKAN BUDAYA BANUA KITA,,

(A)SINGGAH DIRANTAU NUKAR KUINI

SAMPAI DIRUMAH DIULAH SOP BUAH

KALAWASAN  SUDAH  KITA DISINI

CUKUPAKAN KAH SUDAH,,

(M)TIPAKAN HARUM BAUNYA

DIPAKAI GASAN MANGGANGAN

AMUN HANDAK  HABIS WAKTUNYA

AYUJA KITA CUKUPAKAN,,

OOOO PANUNTUN

SAMPAI DISINI HAJALAH KAMI

SABALUM KAMI MANUTUP NIH ADA CUCI MULUTNYA

(A)TULAK KA PASAR PAKAI JUKUNG

SAMPAI DI PASAR DUDUK DIWARUNG

MUN HANDAK KULIAH JANGANLAH BINGUNG

FAKULTAS MIPA SIAP MANAMPUNG

TERIMA KASIH,,,,,,

WASSALAMU’ALAIKUM WR.WB..

                                                                                             By: Atthaillah dan Mabrur

Fakultas Matematika dan Ilmu Pengetahuan Alam